Vijay at Osthe Audio Launch

Vijay at Osthe Audio Launch

இந்தியில் வெளியான தபாங் படத்தின் ரீமெக் படமான ஓஸ்தி, தரணியின் இயக்கத்தில் சிம்பு மற்றும் புதுமுகம் ரிச்சா நடிப்பில் உருவாகிக் கொண்டிருக்கிறது. இப்படத்திற்கு தமன் இசையமைத்துள்ளார். இப்படத்தின் பாடல் வெளியீடு நேற்று மாலை சென்னை சத்யம் திரையரங்கில் நடைபெற்றது. இவ்விழாவில் சற்றும் எதிர்பாராமல் நடிகர் விஜய் கலந்து கொண்டு பாடல் கேசட்டை வெளியிட்டார்.

விஜயைப் பார்த்து விழாவில் கலந்து கொண்டவர்கள் வியப்பில் ஆழ்ந்தனர், காரணம் சிம்பு, "தல" அஜித்தின் தீவிர ரசிகன் ஆயிற்றே. இவ்விழாவில் இயக்குனர் தரணி, பாடாலாசிரியர் வாலி, சிம்புவின் தந்தை டி.ஆர் ராஜேந்திரன் மற்றும் நடிகர் பாக்கியராஜ் ஆகியோர் கலந்து கொண்டனர்.

இவ்விழாவினை பற்றி சிம்பு தனது பேஸ்புக்கில், பாடல் வெளியீட்டு விழா ரசிகர்களின் பேராதரவால் வெற்றிகரமாக நிகழ்ந்து முடிந்தது. நான் தீவர அஜித் ரசிகன் என்று தெரிந்தும், எனக்காக இறங்கி வந்து விழாவில் கலந்து கொண்டு சிறப்பாக்கிய விஜய்  அண்ணாவிற்கு நன்றி! இதன் மூலம் நடிகர்கள் எப்படி இருக்க வேண்டும் என்று எடுத்துகாட்டியுள்ளார், என்று குறிப்பிட்டுள்ளார் .