மும்பை தாக்குதல் : மூன்றாம் ஆண்டு நினைவு நாள்!

மும்பை தாக்குதல் : மூன்றாம் ஆண்டு நினைவு நாள்!

மும்பை தாக்குதலின் 3 ஆம் ஆண்டு நினைவு தினத்தையொட்டி மும்பை நகரம் முழுவதும் இன்று பாதுகாப்பு ஏற்பாடுகள் பலப்படுத்தப்பட்டுள்ளது. மும்பை தாக்குதலில் பலியானவர்களுக்கு அஞ்சலி செலுத்துவதற்காக நகரின் முக்கிய இடங்களில் சிறப்பு ஏற்பாடுகள் செய்யப்பட்டு உள்ளன. கடந்த 2008ம் ஆண்டு இதே நாளில் பாகிஸ்தான் பயங்கரவாதிகள், இந்தியாவின் வர்த்தக தலைநகரான மும்பையின் பல்வேறு இடங்களில் தாக்குதல் நடத்தினர். மும்பை தாக்குதல் வழக்கில் இந்தியா மட்டும் இல்லாமல் உலகையே அதிர்ச்சி அடைய செய்த தாக்குதல் சம்பவத்தில் உயிர் உடன் பிடிப்பட்ட ஒரே குற்றவாளி பயங்கரவாதி அஜ்மல் கசாப்புக்கு மும்பை ஐகோர்ட்டும் மரண தண்டனையை உறுதி செய்தது.

பாகிஸ்தானில் இருந்து படகில் வந்த 10 பயங்கரவாதிகள் தனித்தனி குழுவாக சென்று, 2008, நவ., 26ம் தேதி மும்பையின் சத்ரபதி சிவாஜி ரயில்வே ஸ்டேஷன், தாஜ் ஓட்டல், நாரிமன் ஹவுஸ், காமா மருத்துவமனை, ஒபராய் டிரிடென்ட் ஓட்டல், லியோபோல்டு கபே ஆகிய இடங்களில் தங்களது பயங்கரவாத செயல்களை அரங்கேற்றினர். பயங்கரவாதிகளுக்கும், இந்திய பாதுகாப்பு படையினருக்கும் இடையே 2 நாட்கள் கடும் சண்டை நடந்தது. பயங்கரவாதிகள் பலரை பிணையக்கைதிகளாக பிடித்து வைத்ததால், அவர்களை உயிருடன் மீட்க நமது வீரர்கள் போராட வேண்டியிருந்து.

முடிவில் பயங்கரவாதிகள் நடத்திய கொடூர தாக்குததலில் வெளிநாட்டினர், பாதுகாப்பு படை அதிகாரிகள், வீரர்கள் உள்பட 166 பேர் பலியாகினர். இதற்கு நமது பாதுகாப்பு துறையில் முன்னேற்றம் இல்லாதது மற்றும் குற்றவாளிகள் மீது ஆட்சியாளர்கள் துணிச்சலான நடவடிக்கை மேற்கொள்ளாதது ஆகிய இரண்டும் தான் முக்கிய காரணம்.